Полицияның халық арасындағы сенім деңгейі мен оның имиджін арттыру жөніндегі қызметін жетілдіру

Магистрлік диссертация полицияның имиджін және халықтың сенім деңгейін арттыруға бағытталған қызметті жетілдіруге арналған. Зерттеу барысында ішкі істер органдарының жұмысындағы өзекті мәселелер талданып, олардың қызметін реттейтін нормативтік-құқықтық база мен шетелдік тәжірибе қарастырылды. Жинақталған деректер негізінде халықтың ІІО деген сенімін арттыруға және полицияның оң имиджін қалыптастыруға бағытталған тиімді шешу жолдары ұсынылды. Зерттеу нәтижесінде полиция қызметінің ашықтығы мен қоғаммен өзара іс-қимыл тетіктерін жетілдіру, сондай-ақ қызметкерлердің кәсіби біліктілігін арттыру бойынша шаралар әзірленді. Ұсынылған ұсыныстар ІІО қызметін реформалау үдерісінде пайдалануға мүмкіндік береді.