ЖАС БАЛАЛАРДЫҢ ҚҰҚЫҚТАРЫ МЕН БОСТАНДЫҚТАРЫН ҚОРҒАУ ЖӨНІНДЕГІ ҚЫЛМЫСТЫҚ ЗАҢНАМАНЫ ЖЕТІЛДІРУДІҢ КЕЙБІР АСПЕКТІЛЕРІ

Жас балалардың құқықтары мен бостандықтарын қылмыстық заңнама нормаларымен қорғау Қазақстан Республикасы қылмыстық саясатының негізгі бағыттарының бірі болып табылады. Мақалада қылмыстық құқық бұзушылық субъектісі және жәбірленуші ретінде кәмелетке толмағандар мен жас балалардың мәртебесін құқықтық реттеу мәселелері бойынша отандық заңнама нормаларына талдау жасалды. Жүргізілген зерттеу барысында жас балалар мен кәмелетке толмағандардың құқықтары мен бостандықтарын қорғау дәрежесіне қылмыстық заңнама нормаларымен салыстырмалы талдау, қылмыстық құқық бұзушылықтарды саралау кезінде қажетті аталған санаттағы адамдардың ерекшеліктері айқындалды, қылмыстық жауаптылыққа тартылатын адамдардың жасын белгілеу бөлігінде кейбір шет елдердің тәжірибесі зерделенді. Қазақстан Республикасының заңнамасы бойынша кәмелетке толмағандарды қылмыстық-құқықтық қорғаудың ерекшеліктері қаралды, талдау қорытындылары бойынша жас балалардың мүдделерін қорғау жөніндегі қылмыстық заңнаманың нормаларын жетілдіруге бағытталған қорытындылар мен ұсыныстар тұжырымдалды.