Кәмелетке толмаған азаматтардың қылмыстылығының алдын алудағы халықаралық ынтымақтастық теория және тәжірибе мәселелері

Диссертациялық зерттеудің мақсаты мен міндеттері кәмелетке толмағандардың қылмыстылығын талдаумен байланысты теориялық және қолданбалы сипаттағы криминологиялық, құқықтық және ұйымдастырушылық мәселелер кешенін шешу және оған әлеуметтік, құқық қорғау органдары тарапынан бақылауды оңтайландырудың негізгі бағыттарын тұжырымдау болып табылады. Сонымен кәмелетке толмағандардың қылмыстылығын алдын алудағы шетелдік заңнаманы зерттеу және өзара ынтымақтастықты дамыту жолдарын сұрыптау. Жұмыстың практикалық маңыздылығы онда алынған нәтижелер мемлекеттік органдарға қызметінің тәжірибесінде пайдалануға болатын ұсынымдар деңгейіне жеткізілгенінен тұрады.